செக்ஸ் ‘தவறானது’ என்று கருதும் சமூகத்தில்தான் நாம் வாழ்கிறோம். பாலியல் ஆசை மற்றும் உணர்வு என்பது நம் ஒவ்வொருவருக்குள்ளும் இருக்கும் ஓர் இயற்கையான உணர்வு. வயது வந்த ஆண், பெண் இருவருக்கும் செக்ஸ் ஆசை ஏற்படுவது இயல்பானது. இந்தியாவில் செக்ஸ் என்பது கலச்சாரம் மற்றும் மானத்தோடு சம்பந்தப்பட்டதாக நம் ஒவ்வொருவருக்கும் கற்பிக்கப்படுகிறது. செக்ஸ் என்ற சொல்லையே பலர் கூறுவதற்கு கூச்சம் அல்லது அச்சப்படுகிறார்கள். பெரும்பலான மக்கள் செக்ஸ் பற்றி பேசுவதே இல்லை. இதில், தங்களுடைய பாலியல் ஆசையை தங்கள் துணையுடன் பகிர்வதற்கு கூட அச்சம் கொள்கிறார்கள்.
செக்ஸ் பற்றி பேசினால், தங்கள் நண்பர்கள் அல்லது துணை நம்மை பற்றி என்ன நினைப்பார்கள் என்ற எண்ணம் அவர்களுக்குள் உள்ளது. ஏனெனில், இங்கு செக்ஸ் என்பது ‘தவறானது’ எனக் கற்பிக்கப்படுகிறது. இது முற்றிலும் தவறான கருத்து. இயற்கையாக உங்கள் உடலில் ஹார்மோன் மாற்றங்களால் நடக்கும் செயல் பாலுணர்வு.
அதேபோல சுயஇன்பம் பற்றியும் சரியான புரிதல் மக்களிடையே இல்லை. செக்ஸ் மற்றும் சுயஇன்பம் இரண்டையும் தவறானது எனக் கருதுகிறார்கள். தனியாக இருக்கும்போது, இணையத்தில் பாலியல் படங்கள் மற்றும் வீடியோக்களை பார்த்து ரசிக்கும் நபர்கள், மற்றவர்கள் முன்னிலையில் ரசிப்பதாகக் கூறுவதற்கு தயங்குகிறார்கள். கேவலமாகப் பார்க்கப்படுவோம் என்ற பயம் அவர்களுக்குள் உள்ளது. ஆதலால், பாலியல் கல்வி இந்தியாவில் அவசியமான ஒன்றாக உள்ளது. ‘செக்ஸ் சரியானது அல்லது பாசிட்டிவ்வானது’ என இன்றே உங்கள் கருத்தை மாற்றுவதற்கான சில விஷயங்கள் பற்றி இக்கட்டுரையில் தெரிந்துகொள்ளுங்கள்.
செக்ஸ்-பாசிட்டிவ்
செக்ஸ்-பாசிட்டிவ்வாக இருப்பது என்பது நேர்மையாகவும், வெளிப்படையாகவும், அனைவரின் சம்மதமான பாலியல் வாழ்க்கை முறையை ஏற்றுக்கொள்வதாகவும் இருக்கிறது. இது ஒரு வகையான பாலியல் பயிற்சி. செக்ஸ் மற்றொன்றை விட சிறந்தது அல்லது மோசமானது என்ற கருத்தை அகற்றும் பயிற்சியாகும். இந்தக் கருத்துகளை ‘கற்க’ மற்றும் ‘கற்றுக்கொள்ள’ சிறிது நேரம் ஆகலாம் என்றாலும், இன்றே இதை நீங்கள் தெரிந்துகொள்ள வேண்டும். யாரை பற்றியும் கவலைப்படாமல், நீங்கள் செக்ஸ் பாசிட்டிவராக இருக்க இங்கே கொடுக்கப்பட்டுள்ள விஷயங்களை நினைவில் கொள்ளுங்கள்.
உங்களைப் பயிற்றுவிக்கவும்
ஒரு நாளில் உங்களை மாற்ற முடியாது என்பது இயற்கையானது. அதனால்தான் உங்களைப் பயிற்றுவிப்பதே முதல் படியாக இருக்க வேண்டும். உங்கள் சிந்தனையை விமர்சன ரீதியாக வளர்க்க பெண்ணியம், வயது, பாலினம் மற்றும் இயற்கையான பாலியல் உணர்வு தொடர்புடைய கருத்துகளைப் படிக்க வேண்டும். பின்னர், உங்களைச் சுற்றியுள்ள சூழலை நீங்களே புரிந்துகொள்வீர்கள்.
இந்தக் கருத்துக்கள் அனைத்தையும் சுற்றி கிடைக்கும் இலக்கியங்கள் உங்கள் மனதில் திறந்து வைக்கும். மேலும் உங்களைச் சுற்றியுள்ள விஷயங்களை இன்னும் ஏற்றுக்கொள்ளச் செய்யும். நீங்கள் வளர்ந்த பழக்கங்களை உடைக்க சிறிது நேரம் ஆகும். எனவே உங்கள் நேரத்தை எடுத்துக் கொள்ளுங்கள். செக்ஸ் பற்றி பேசுவதோ அல்லது அதில் ஈடுபடுவதோ தவறு இல்லை என்று ஏற்றுக்கொள்வீர்கள்.
பிரதிபலிக்க நேரம் ஒதுக்குங்கள்
பாலுறவு என்பது “நல்லது” அல்லது “தவறானது” என நமக்கு எப்பொழுதும் கற்பிக்கப்பட்டிருக்கிறது. உங்கள் பாலியல் வாழ்க்கையை மற்றவர்கள் தீர்மானிக்கும் சூழலிலும் நேரத்திலும் நடப்பதை பொறுத்து, அது நல்லதா? தவறானதா? எனக் குறிப்பிடப்படுகிறது. மேலும் யாராவது செக்ஸ் விஷயத்தில் வசதியாக இருந்தால், அவர்கள் காஜி அல்லது வேறு ஏதாவது பெயரால் கேலி, கிண்டல் செய்யப்படுகிறார்கள். இங்கே, இந்த மனநிலையைதான் மாற்ற வேண்டும். ஆபாசங்கள் படங்கள் மற்றும் வீடியோக்கள் பார்ப்பதற்கு பதிலாக, பாலுறவு என்றால் என்ன, அது உங்களுக்குள் என்ன செய்கிறது?, உங்கள் ஆசைகள் என்ன, இந்த யோசனைகளுக்கு உங்கள் உணர்ச்சி என்ன பதிலளிக்கிறது? என்பதைப் புரிந்துகொள்ள சிறிது நேரம் ஒதுக்குங்கள். உங்கள் பாலியல் வாழ்க்கை உங்கள் வாழ்க்கையின் மற்ற பகுதிகளை பாதிக்கிறதா என்பதையும் நீங்கள் மதிப்பீடு செய்ய வேண்டும். செக்ஸ் பற்றிய இந்த விஷயங்களில் நீங்கள் தெளிவு பெறும்போது, செக்ஸ் பற்றி புரிந்துகொள்ளலாம்.
அதிகம் தொடர்பு கொள்ளவும்
குறிப்பாக செக்ஸ் பற்றி எண்ணம் வரும்போது, தொடர்புகொள்வதும், தெளிவாகப் பேசுவதும் முக்கியம். முக்கியமான ஒன்று சம்மதம். தம்பதிகள் இருவரும் சம்மதத்தோடு உடலுறவு கொள்ள வேண்டும். மேலும் இது பாலின நேர்மறையின் அடிப்படைக் கொள்கைகளில் ஒன்றாகும். உங்கள் மனதில் சில பாலியல் ஆசைகள் இருந்தால், வெட்கப்படாமல் உங்கள் துணையுடன் வெளிப்படையாகப் பேச வேண்டும். அவர்களின் ஆசைகளையும் நீங்கள் கேட்டு, பூர்த்தி செய்ய வேண்டும்.
அதிகமாக ஏற்றுக்கொள்ளுங்கள்
உங்களுக்குப் பிடிக்காத காரணத்தால், ஒரு குறிப்பிட்ட பாலியல் நடைமுறையை விசித்திரமானது அல்லது தவறானது என நீங்கள் நினைக்கலாம். ஒருமித்த கருத்து இருக்கும் வரை, மற்றவர்கள் என்ன நினைக்கிறார்கள் என்பதை ஏற்றுக்கொள்ள முயற்சி செய்யுங்கள். மற்றவர்கள் என்ன நினைக்கிறார்கள் என்பது உண்மையில் முக்கியமில்லை. பாலியல் ஆசை மற்றும் தேவைகள் ஒருவரின் தனிப்பட்ட விருப்பம் என்பதை புரிந்துகொள்ள வேண்டும். இவற்றை நீங்கள் ஏற்றுக்கொண்டு, மற்றவர்களின் தேவைகள் அவர்களுடையது என்பதை புரிந்துகொண்டவுடன், நீங்கள் செக்ஸ் பற்றி பாசிட்டிவ்வாக நினைப்பீர்கள்.
