கதறி அழும் பாரதி… கண்ணம்மாவுக்கு அப்படி என்ன நடந்தது?

பாரதி கண்ணம்மா சீரியல் ரசிககர்களுக்கு இந்த புரமோ உற்சாகத்தை தந்துள்ளது.

பாரதி கண்ணம்மா சீரியலின் பரபரப்பான புரமோ வெளியாகியுள்ளது. அடுத்து என்ன நடக்கும் என எதிர்பார்த்துக் கொண்டிருந்த சீரியல் ரசிககர்களுக்கு இந்த புரமோ உற்சாகத்தை தந்துள்ளது.

விஜய் டிவியின் நம்பர் ஒன் டிஆர்பி சீரியல் ஆன பாரதி கண்ணம்மா சீரியல் இந்த முறையாவது அடுத்த கட்டத்திற்கு நகரும் என ரசிகர்கள் ஆவலுடன் காத்துக் கொண்டிருந்தனர். ஆனால் கண்ணம்மாவின் பிறந்த நாள் கொண்டாட்டம் எபிசோடு து பிம்பிளிக்கி பிளாப்பி கதை ஆனது. கிட்டத்தட்ட 9 ஆண்டுகளாக மறைக்கப்பட உண்மையை சொல்ல தயாரானார் கண்ணம்மா. இந்த எபிசோடுக்காக ரசிகர்கள் ஆவலுடன் காத்துக் கொண்டிருக்கின்றனர். பல ஆண்டுகளாக “ஜவ்வு” போல இழுத்து அடிக்கும் ஒரு மேட்டர் முடிந்து விடும் என்று நினைத்த ரசிகர்களுக்கு கடைசியில் ட்விஸ்ட் கொடுத்தார் இயக்குனர்.

இப்படி இருக்கையில் தற்போது கதைக்களம், குழந்தைகளை முன்னிலைப்படுத்தி ஒளிப்பரப்பாகி வருகிறது. ஒருபக்கம் லட்சுமி தனது அப்பாவை கண்டுப்பிடிக்கும் வேலையில் தீவிரமாக இறங்கிவிட்டார். இங்கு, ஹேமா பாரதிக்கு 2வது கல்யாணம் செய்து வைக்க நல்ல அம்மாவை தேடிக் கொண்டிருக்கிறார். வழக்கம் போல் வில்லி வெண்பா இவர்களை எப்படி பிரிக்கலாம் என சாந்தியுடன் பிளான் போட்டுக் கொண்டிருக்க, கண்ணம்மாவும், பாரதியும் எதிரிகளாக முறைத்துக் கொண்டிருக்கிறார்கள்.

ஆனால். உண்மையில் கண்ணம்மா மீது பாரதிக்கு எவ்வளவு பாசம் என்பதை அனைவருக்கும் தெரிவிக்கும் வகையில் கதையில் ஒரு ட்விஸ்ட்டை கொண்டு வருகிறார் இயக்குனர். வெளியில் சண்டை போட்டாலும் தனது காதல் மனைவி கண்ணம்மா மீது பாரதி எந்த அளவுக்கு பாசம் வைத்து இருக்கிறான் என்பதை காட்டும் புரமோ தான் இது.

அதாவது, ரோட்டில் நிற்கும் பாரதி காரில் இருந்து செல்போனை திருடன் திருடுகிறான். அதை பார்த்த கண்ணம்மா, திருடனை பிடிக்க முயற்சி செய்கிறார். அப்போது கோபத்தில் திருடன் கண்ணம்மாவை கையில் கிழித்து விடுகிறான். ரத்த வெள்ளத்தில் கண்ணம்மா மயங்கி விழுந்து விடுகிறார். பாரதி துடித்து போய்விடுகிறார். உடனே கண்ணம்மாவை ஆஸ்பிட்டலுக்கு தூக்கி வந்து டாக்டரிகளிடம் டிரீட்மெண்ட் பார்க்க சொல்கிறார்.

இதையெல்லாம் பார்க்கும் வில்லி வெண்பாவுக்கு வயிறு எரிகிறது. இந்த சூப்பரான காட்சிகள் வரும் வாரங்களில் சீரியலில் ஒளிப்பரப்பாகும் என எதிர்பார்க்கப்படுகிறது. பாரதி கண்ணம்மா சீரியலின் இந்த புரமோ ரசிகர்களிடம் பெரும் ஆர்வத்தை தூண்டியுள்ளது.