நடந்து முடிந்த பிக்பாஸ் சீசன் 5 நிகழ்ச்சியில் மக்கள் எதிர்பார்த்தபடியே ராஜூ வெற்றிப்பெற்றார். இதனிடையே மேடையில் அப்போது பேசிய கமல், பிக்பாஸ் அல்டிமேட் ஓடிடியில் 24 மணிநேரமும் டிஸ்னி ப்ளஸ் ஹாட்ஸ்டாரில் ஒளிபரப்பாகும் என கூறியிருந்தார்.
இதற்கான ப்ரோமோ கடந்த திங்கள் கிழமை வெளியானது. ப்ரோமோவில் அசத்தலாக இருந்தது. இந்த நிகழ்ச்சி 24 மணி நேரமும் ஒளிபரப்பாகும் என்றும் வார இறுதி நாட்களில் நடிகர் கமல்ஹாசன் நிகழ்ச்சியை தொகுத்து வழங்குவார் என்றும் தெரிவிக்கப்பட்டுள்ளது.
மேலும், இந்த பிக்பாஸ் அல்டிமேட் நிகழ்ச்சியில் முதல் 4 சீசன்களில் பங்கேற்ற போட்டியாளர்களில் சிலர் மட்டுமே பங்கேற்பார்கள் என கூறப்பட்டது. அதன்படி வனிதா, பரணி, சுரேஷ் சக்கரவர்த்தி, சினேகன், அபிராமி, சுஜா வருணி, ஷாரிக், தாடி பாலாஜி, அனிதா சம்பத் மற்றும் பாலாஜி முருகதாஸ் ஆகியோரின் பெயர்கள் அடி பட்டு வருகிறது.
இந்நிலையில், தற்போது புதிய தகவலாக அதில் இருந்து 3 போட்டியாளர்கள் பங்கேற்க உள்ளதாக தகவல் வெளியாகியுள்ளது. அதில், தாமரை செல்வியின் பங்கேற்பு உறுதியாகிவிட்டது என்றும், அவரை தொடர்ந்து பிரியங்கா மற்றும் அபிஷேக் பங்கேற்க உள்ளதாகவும் கூறப்படுகிறது.
