தொடர் வேலைநிறுத்தங்கள் பிரித்தானியாவின் இரயில் வலையமைப்பை ஸ்தம்பிக்க வைக்கும் வகையில் இந்த வாரம் இரயில் பயணிகள் பெரும் இடையூறுக்கு ஆளாகியுள்ளனர்.
பிரித்தானியாவில் உள்ள இரயில் தொழிலாளர்கள் கோடையில் இருந்து ஊதியம், வேலைகள் மற்றும் வேலை நிலைமைகள் தொடர்பான வேலை நிறுத்ததத்தில் ஈடுபட்டு வருகின்றனர்.
இந்தநிலையில், சுமார் 40,000 இரயில் தொழிலாளர்கள் செவ்வாய், புதன், வெள்ளி மற்றும் சனிக்கிழமைகளில், இது தொடர்பான சர்ச்சைகளால், வெளிநடப்பு செய்யவுள்ளனர்.
பிரித்தானியாவின் மிகப்பெரிய ரயில் தொழிற்சங்கமான ரயில்- கடல்சார் மற்றும் போக்குவரத்து தொழிலாளர்களின் தேசிய தொழிற்சங்கத்தின் உறுப்பினர்கள் புதிய ஊதிய சலுகைகளை நிராகரித்து, போராடுவதாக உறுதியளித்ததை அடுத்து இது வந்துள்ளது.
ஆனால், எந்த பாதிப்பு ஏற்பட்டாலும், பின்வாங்கப் போவதில்லை என அரசாங்கம் கூறியுள்ளது.
பிரித்தானியா முழுவதும் உள்ள பெரும்பாலான இரயில் நிறுவனங்கள் பாதிக்கப்பட வாய்ப்புள்ளது. மேலும் நெட்வொர்க் இரயில் பயணிகளை மிகவும் அவசியமானால் மட்டுமே பயணிக்க வலியுறுத்தியுள்ளது.
வேலைநிறுத்தங்களைச் சுற்றியுள்ள நாட்களில் தாமதங்கள் மற்றும் இரத்து செய்தல்களுடன் புறப்படுவதற்கு முன், பயணிகள் தங்கள் ரயில் இயக்கும் நிறுவனத்தின் இணையதளத்தைப் பார்க்க அறிவுறுத்தப்படுகிறார்கள்.
அதிகாலை அல்லது இரவு தாமதமாக எந்த சேவையும் இருக்காது. ஐந்து சேவைகளில் ஒன்று மட்டுமே 07:30 – 18:30 இடையே இயங்கும்.
