தங்கத்தின் விலை கடந்த சில மாதங்களாக ஏற்ற இறக்கத்துடன் இருந்து வருகிறது. ஜூலை முதல் நாள், மத்திய அரசு தங்கத்திற்கான இறக்குமதி வரியை உயர்த்தியது. அதைத் தொடர்ந்து, தங்கம் விலையும் அதிரடியாக உயர்ந்தது. பின்னர் ஏற்ற இறக்கத்துடன் இருந்து வருகிறது.
அந்த வகையில், தங்கம் விலை தொடர்ந்து 2வது நாளாக இன்றும் குறைந்துள்ளது. 2 நாட்களில் சவரனுக்கு 200 ரூபாய் குறைந்துள்ளது. தங்கம் விலை இன்று கிராமுக்கு 5 ரூபாயும், சவரனுக்கு 40 ரூபாயும் குறைந்துள்ளது.
சென்னையில் ஆபரணத் தங்கத்தின் விலை நேற்று மாலை நிலவரப்படி, கிராம் ரூ.4,950 ஆகவும் சவரன் ரூ.39,600 ஆகவும் இருந்தது. 22 காரட் ஆபரணத் தங்கத்தின் விலை இன்று கிராமுக்கு 5 ரூபாய் குறைந்து ரூ.4,945 ஆகவும் சவரனுக்கு 40 ரூபாய் சரிந்து ரூ.39,560 ஆகவும் குறைந்துள்ளது.
அதேபோல வெள்ளி விலையும் இன்று குறைந்துள்ளது. வெள்ளி கிராம் ரூ.68.50 ஆக இருந்த நிலையில் 20 பைசா சரிந்து, ரூ.67.00ஆகவும் கிலோவுக்கு ரூ.200 குறைந்து ரூ.67,000 ஆகவும் குறைந்துள்ளது குறிப்பிடத்தக்கது.
