ஒரு பெண் கர்ப்பமாக இருக்கும்போது குழந்தையை சுமக்க எவ்வளவு ஆற்றல் தேவை என்பதை நீங்கள் எப்போதாவது கற்பனை செய்திருக்கிறீர்களா? கர்ப்பிணிப் பெண்கள் குழந்தையை சுமக்க, ஆற்றல் தேவைப்படுவது தொடர்பாக வியப்பூட்டும் தகவல்கள் வெளியாகியுள்ளன.
ஒரு பெண்ணினுடைய கர்ப்பத்தின் ஒன்பது மாதங்களில் கிட்டத்தட்ட 50,000 உணவு கலோரிகள் அவருக்கு தேவைப்படுகிறது என்று ஆஸ்திரேலிய ஆராய்ச்சியாளர்கள் மதிப்பிட்டுள்ளனர். ஆரோக்கியமான கர்ப்பத்தின் மிக முக்கியமான அம்சங்களில் ஒன்று சத்தான டயட்டை பின்பற்றுவதாகும். கர்ப்பம் தொடங்கிய காலகட்டத்தில் இருந்தே, தாயின் வயிற்றில் உள்ள கரு மிக வேகமாக வளர்ந்து தாயிடமிருந்து ஊட்டச்சத்தை பெறுகிறது.
இதற்காக, கர்ப்பத்தின் தொடக்கத்தில் தாய்க்கு தேவையான அனைத்து வைட்டமின்கள், தாதுக்கள், கொழுப்பு அமிலங்கள், அமினோ அமிலங்கள் மற்றும் ஆற்றல் ஆகியவற்றை வழங்க வேண்டும். எனவே நன்கு சமநிலையான, சரிவிகித டயட்டை பின்பற்றுவது மற்றும் கர்ப்பிணிகள் கருவில் சுமக்கும் குழந்தையை கருத்தில் கொண்டு அதற்கேற்ப கலோரி எண்ணிக்கையை உணவில் சேர்த்துக் கொள்வது போன்றவற்றை சரி பார்த்து கொள்ள வேண்டும்.
வெர்மான்ட்டின் மிகச்சிறந்த ஐஸ்கிரீம் என்று அறியப்படும் பென் அண்ட் ஜெர்ரி கார்சியா ஐஸ்கிரீமில் சுமார் 50 பைண்ட்களுக்கு சமமான ஆற்றல் உள்ளது என்றும், ஆராய்ச்சியாளர்கள் எதிர்பார்த்ததை விட அதிகமாக உள்ளது என்றும் ஆய்வின் கண்டுபிடிப்புகளை மேற்கோள் காட்டி நியூயார்க் டைம்ஸ் தெரிவித்துள்ளது. நுண்ணிய ரோட்டிஃபார்களுக்கு ஒரு சந்ததியை உருவாக்க ஒரு மில்லியனுக்கும் குறைவான கலோரி தேவைப்படுகிறது. இதற்கு நேர்மாறாக, ஒரு வெள்ளை வால் மான், ஒரு மான் குட்டியைப் பெற்றெடுக்க 112,000 கலோரிகளுக்கு மேல் தேவைப்படுகிறது. சூடான ரத்த பாலூட்டிகள், ஊர்வன மற்றும் மற்ற குளிர் ரத்த விலங்குகளுடன் ஒப்பிடும்போது மூன்று மடங்கு அதிக ஆற்றலைப் பயன்படுத்துகின்றன.
மோனாஷ் பல்கலைக்கழகத்தின் பரிணாம உயிரியலாளர் டஸ்டின் மார்ஷல் மற்றும் அவரது மாணவர்கள், ஒரு மனித குழந்தையின் திசுக்களில் சேமிக்கப்பட்ட ஆற்றல் கர்ப்பத்தின் மொத்த ஆற்றல் செலவில் சுமார் 4 சதவீதம் மட்டுமே என்று கண்டுபிடித்துள்ளனர். மீதமுள்ள 96 சதவீதம் ஒரு பெண்ணின் சொந்த உடலுக்கு தேவைப்படும் கூடுதல் எரிபொருள் என்று கண்டறிந்துள்ளனர்.
டாக்டர் மார்ஷலும், அவரது மாணவர்களுக்கும் பல உயிரினங்களில், கர்ப்ப காலத்தில் செலவிடப்படும் மறைமுக ஆற்றலானது, நேரடி ஆற்றலை விட அதிகமாக இருப்பதைக் கண்டறிந்தபோது மிகப்பெரிய ஆச்சரியம் ஏற்பட்டது. சராசரியாக, கர்ப்ப காலத்தில் ஒரு பெண் பாலூட்டி பயன்படுத்தும் ஆற்றலில் 10 சதவீதம் மட்டுமே அதன் சந்ததிகளுக்குச் சென்றடைகின்றன என்று பாலூட்டிகளிடமிருந்து வந்த முடிவுகளில் கண்டறியப்பட்டது.
பாலூட்டிகள் கர்ப்பமாக இருப்பதற்கு இவ்வளவு மறைமுக ஆற்றல் செலவாவதற்கு பல காரணங்கள் இருக்கலாம். பல இனங்கள் தங்கள் கருக்களுக்கு ஊட்டச்சத்துக்களை மாற்ற ஒரு நஞ்சுக்கொடியை உருவாக்குகின்றன, எடுத்துக்காட்டாக. மற்ற பாலூட்டிகளை விட பெண்கள் நீண்ட காலம் கர்ப்பமாக இருப்பதால் கர்ப்பிணி பெண்களுக்கு அதிக ஆற்றல் தேவைப்படுகிறது என்று டாக்டர் மார்ஷல் கூறியுள்ளார்.
