புதிய டாஸ்க்கில் போட்டியாளர்கள் கலகலப்பாக விளையாடி வரும் ப்ரோமோ வெளியாகியுள்ளது.
வழக்கம்போல் இன்றைக்கும் பிக்பாஸ் அல்டிமேட் புதிய டாஸ்க் கொடுக்கப்பட்டுள்ளது. இந்த டாஸ்க்கிற்கு ‘கொஞ்சம் பார்த்து சொல்லு’ என்று பெயரிடப்பட்டுள்ளது. இந்த டாஸ்க்கின்படி ஒரு பெரிய திரை கொடுக்கப்படும். ஜோடியாக இருக்கும் ஹவுஸ்மேட்டுகளில் ஒருவர் திரைக்கு எதிராகவும், மற்றொருவர் திரை அருகே ஒருவரும் நிற்கவேண்டும் என்று சொல்லப்படுகிறது.
ஒவ்வொரு முறையும் திரையில் இரு பொருட்களின் பெயர்கள் காட்டப்படுகிறது. அதில் ஒன்று சேஃப் வேர்டு, மற்றொன்று டேஞ்சர் வேர்டு கொடுக்கப்படுகிறது. இதன்படியே ஹவுஸ்மேட்டுகள் விளையாடுகின்றனர். முதலில் அபிராமி மற்றும் பாலா விளையாடும்போதும், அதை பார்த்தால் உனக்கு பயம் என்று பாலா கேட்க, பல்லி என்று சரியான பதிலை அபிராமி கூறுகிறார்.
இதையடுத்து சுரேஷ் சக்ரவர்த்தி மற்றும் தாமரை விளையாடுகின்றனர். அப்போது தாமரையிடம் கேள்வி கேட்கும் சுரேஷ் சக்ரவர்த்தி, நேரம் பார்க்க கையில் கட்டுவது என்கிறார். ஆனால் அதற்கு பதில் தெரியாமல் தாமரை முழிக்கிறார். அதனால் டென்ஷனாகும் சுரேஷ் சக்ரவர்த்தி, எப்படியும் ஒரு காயின் கொடுக்கப் போகிறோம். எதாவது ஒரு பதிலை சொல்லிவிட்டு வாங்க என கேட்கும் ப்ரோமோ வெளியாகியுள்ளது.
