1000வது கிரிக்கெட் போட்டியில் விளையாடும் முதல் அணி என்ற வரலாற்று சாதனையையும் இந்தியா அணி படைக்கவுள்ளது.
இந்தியா வெஸ்ட் இண்டீஸ் இடையே மூன்று போட்டிகள் கொண்ட ஒருநாள் தொடர் அகமதாபாத் மைதானத்தில் நடைபெற உள்ளது.
இதன் முதல் போட்டி வரும் ஞாயிற்றுக்கிழமை நடைபெற உள்ள நிலையில் இந்த போட்டியில் விளையாடுவதன் மூலம் இந்திய அணி தனது 1000வது கிரிக்கெட் போட்டியில் காலடியெடுத்து வைக்கிறது.
மேலும் 1000வது கிரிக்கெட் போட்டியில் விளையாடும் முதல் அணி என்ற வரலாற்று சாதனையையும் இந்தியா அணி படைக்கவுள்ளது.
1974ஆம் ஆண்டு முன்னாள் இந்திய கிரிக்கெட் வீரர் அஜித் வடேகர் தலைமையில் தனது முதல் ஒருநாள் போட்டியில் களமிறங்கிய இந்தியா அணி, தற்போது 2022 ஆம் ஆண்டு ரோஹித் சர்மா தலைமையில் தனது 1000வது ஒருநாள் போட்டியில் விளையாடவுள்ளது.
இதுவரை 999 போட்டிகளில் விளையாடியுள்ள இந்தியா அணி 518 வெற்றிகளையும் 431 தோல்விகளையும் சந்தித்துள்ளது.
மேலும் 9 போட்டிகள் வெற்றி தோல்விகள் ஏதும் இன்றி சமனில் முடிந்துள்ளது. இந்த வரிசையில் இந்தியாவை தொடர்ந்து அவுஸ்திரேலிய அணி 958 போட்டிகளுடன் 2வது அணியாகவும், பாகிஸ்தான் 936 போட்டிகளுடம் 3வது அணியாகவும் உள்ளது.
