கோடை காலத்தில் பெரும்பாலான பெண்கள் எதிர்கொள்ளும் ஒரு பொதுவான பிரச்சனை மார்பகத்தின் கீழ் அரிப்புகள், சொறி அல்லது தடிப்புகள் வரும். இதன் காரணமாக, பெண்கள் ப்ரா அணிவதில் சிரமப்படுகிறார்கள். அதனால் ஏற்படும் அரிப்பு மற்றும் எரியும் உணர்வு அவர்களை மோசமாக பாதிக்கும்.
தேங்காய் எண்ணெய்:
தேங்காய் எண்ணெயில் அழற்சி எதிர்ப்பு மற்றும் வலி நிவாரணி பண்புகள் உள்ளன. இவை மார்பகத்தின் அடியில் உள்ள வெடிப்புகளை போக்க பெரிதும் உதவுகிறது. அதுமட்டுமின்றி, தடிப்புகளை ஏற்படுத்தக்கூடிய ஈஸ்ட் தொற்றுகளை நீக்கும். எனவே, இதை நீங்கள் அரிப்பு உள்ள இடத்தில் ஒரு நாளைக்கு 1-2 முறை தடவி வந்தால் விரைவில் நிவாரணம் கிடைக்கும்.
கற்றாழை ஜெல்:
கற்றாழை ஜெல்லில் உள்ள அழற்சி எதிர்ப்பு பண்புகள் மார்பகங்களுக்கு அடியில் ஏற்படும் அரிப்பு மற்றும் வீக்கத்தைக் குறைக்கப் பயன்படுகிறது. எனவே, இந்த ஜெல்லை நீங்கள் நீங்கள் பிரச்சினை உள்ள இடத்தில் தடவி, 20-30 நிமிடங்கள் தண்ணீரில் கழுவவும். இதை நீங்கள் தினமும் 1-2 முறை செய்து வந்தால், விரைவில் குணமாகும்.
மஞ்சள்:
நம் வீட்டு சமையலறையில் இருக்கும் மஞ்சள் சொறி நீக்குவதற்கு மிகவும் உதவியாக இருக்கும். ஏனெனில், அதன் முக்கிய கூறு குர்குமின் ஆகும். இது ஆக்ஸிஜனேற்ற மற்றும் அழற்சி எதிர்ப்பு பண்புகளைக் கொண்டுள்ளது. இது மார்பகத்தின் கீழ் உள்ள தடிப்புகளுக்கு சிகிச்சையளிக்கும். இதற்கு நீங்கள், ஒன்று முதல் இரண்டு டீஸ்பூன் மஞ்சள் தூளை தண்ணீரில் கலந்து அந்த பேஸ்ட்டை சொறி உள்ள இடத்தில் தடவி 15-20 நிமிடங்கள் கழித்து தண்ணீரால் கழுவவும். நீங்கள் இதை தினமும் அல்லது ஒரு நாளைக்கு ஒரு முறை பயன்படுத்தலாம்.
தேயிலை மர அத்தியாவசிய எண்ணெய்:
தேயிலை மர அத்தியாவசிய எண்ணெயில் நுண்ணுயிர் எதிர்ப்பு மற்றும் அழற்சி எதிர்ப்பு பண்புகள் உள்ளது. இது தொற்றுநோயை ஏற்படுத்தும் கிருமிகளை அகற்ற உதவுகிறது. மேலும், இது வீக்கம் மற்றும் அரிப்புகள், மார்பகத்தின் அடியில் உள்ள வெடிப்புகளை அகற்றவும் உதவுகிறது. இதற்கு நீங்கள், 2-3 சொட்டுகள் தேயிலை மர அத்தியாவசிய எண்ணெய், 2-3 ஸ்பூன் ஆகியவற்றை ஒன்றாக கலந்து, பிரச்சனை உள்ள இடத்தில் தடவவும். இரவு முழுவதும் அப்படி விட்டுவிட்டு மறுநாள் காலையில் சுத்தம் செய்யவும். இதை நீங்கள் தினமும் ஒருமுறை பயன்படுத்தலாம்.
