தேவையான பொருள்கள் :
காளான் – 200 கிராம்,
முட்டைகோஸ் – 300 கிராம்,
வெங்காயம் – 2 (பொடியாக நறுக்கியது)
அரிசி மாவு – 4 ஸ்பூன்
சோள மாவு – 2 ஸ்பூன்,
தக்காளி – 3
பூண்டு – 10-12 பற்கள்,
இஞ்சி பூண்டு பேஸ்ட் – ஒள்றரை ஸ்பூன்,
மஞ்சள் பொடி – அரை ஸ்பூன்,
மிளகாய் பொடி – 1 ஸ்பூன்,
கொத்தமல்லி பொடி – ஒன்றரை ஸ்பூன்,
கொத்தமல்லி இலை- தேவையான அளவு,
கரம் மசாலா – அரை ஸ்பூன்,
உப்பு – தேவையான அளவு,
எண்ணெய் – தேவையான அளவு,
செய்முறை
முதலில் காளானை நன்கு சுத்தம் செய்து, பொடியாக நறுக்கிக் கொள்ள வேண்டும். அதில் முட்டைகோஸையும் பொடியாக நறுக்கிக் சேர்த்துக் கொள்ளுங்கள். அதோடு சிறிதளவு கொத்தமல்லி இலை மற்றும் இஞ்சி பூண்டு பேஸ்ட்டும் சேர்த்துக் கொள்ள வேண்டும்.
அடுத்ததாக இதில் அரிசி மாவு, சோளமாவு ஆகியவற்றைச் சேர்க்க வேண்டும். அதோடு மிளகாய் பொடி, மஞ்சள் பொடி, கொத்தமல்லி பொடி 1 ஸ்பூன், கரம் மசாலா 2 சிட்டிகை அளவு, உப்பு ஆகியவற்றைச் சேர்க்க வேண்டும்.
இப்போது இதில் தண்ணீரை தெளித்து பிசைய வேண்டும். தண்ணீர் ஊற்றக் கூடாது. பக்காடா மாவு பதத்துக்கு கெட்டியாக பிசைய வேண்டும்.
அடுத்ததாக ஒரு கடாயை அடுப்பில் வைத்து எண்ணெய் ஊற்றி, நன்கு காய்ந்த பிறகு பக்கோடா போல பிசைந்து வைத்திருக்கும் காளானை பொரித்து எடுக்க வேண்டும்.
எல்லா காளானையும் பொரித்து எடுத்த பிறகு, அதற்கான மசாலா செய்ய ஆரம்பிக்கலாம்.
வேறொரு கடாயை அடுப்பில் வைத்து அதில் 3-4 ஸ்பூன் அளவு எண்ணெய் சேர்த்து காய்ந்ததும் அதில் சோம்பு, பொடியாக நறுக்கிய பூண்டு சேர்த் வதக்குங்கள்.
பூண்டு பொன்னிறமாக வதங்கியதும் இஞ்சி பூண்டு பேஸ்ட் சேர்த்து வதக்க வேண்டும்.
இதில் கால் டம்ளர் அளவு மட்டும் தண்ணீர் சேர்த்து இஞ்சி பூண்டு பேஸ்ட் நன்றாக வேகவிட வேண்டும்.
அடுத்ததாக, இதில் அரை ஸ்பூன் உப்பு, மஞ்சள் பொடி, மிளகாய் பொடி 1 ஸ்பூன், மல்லி பொடி 2 ஸ்பூன் அளவு சேர்த்து நன்கு வதக்க வேண்டும்.
தக்காளியை நன்கு மைய பேஸ்ட்டாக அரைத்து அந்த விழுதை ஊற்றி நன்கு வேகவிட வேண்டும்.
நன்கு தக்காளி பச்சை வாசனை போன பின்பு கொத்மல்லி மற்றும் 2 சிட்டிகை கரம் மசாலா தூவி இறக்க வேண்டியது தான்.
பொரித்து வைத்திருக்கும் காளானை உடைத்துப் போட்டு அதற்கு மேல் இந்த கிரேவியை ஊற்றி, மேலே பொடியாக நறுக்கிய வெங்காயம், கொத்தமல்லி இலை தூவி பரிமாறுங்கள். குழந்தைகள் முதல் பெரியவர்கள் வரை எல்லோரும் விரும்பி சாப்பிடுவார்கள்.
