இந்தியில் முன்னணி நடிகராக இருக்கும் சல்மான் கானின் 57-வது பிறந்தநாளையொட்டி அவர் கொடுத்த பர்த்டே பார்ட்டியில் ஏராளமான பாலிவுட் பிரபலங்கள் கலந்துகொண்டனர்.
பாலிவுட்டில் முன்னணி நடிகராக இருந்து வருபவர் சல்மான் கான். 57 வயதாகும் இவருக்கு இதுவரை திருமணம் ஆகவில்லை. 57 வயதிலும் முரட்டு சிங்கிளாக வலம் வந்தாலும், இவருடன் காதல் சர்ச்சைகளில் சிக்காத நடிகைகளே இல்லை என சொல்லும் அளவும், கத்ரீனா கைஃப் முதல் பூஜா ஹெக்டே வரை இந்த லிஸ்ட் நீண்டுகொண்டே செல்கிறது.
இந்நிலையில் நடிகர் சல்மான் கான் நேற்று தனது 57-வது பிறந்தநாளை கொண்டாடினார். இதையொட்டி பர்த்டே பார்ட்டி ஒன்றையும் ஏற்பாடு செய்திருந்தார். அதில் ஏராளமான பாலிவுட் நட்சத்திரங்கள் கலந்துகொண்டனர். அதன் புகைப்பட தொகுப்பை தற்போது பார்க்கலாம்.
சல்மான் கானின் பர்த்டே பார்ட்டியில் கலந்துகொண்டபோது நடிகை சோனாக்ஷி சின்ஹா எடுத்துக்கொண்ட புகைப்படம். இவர் தமிழில் ரஜினிக்கு ஜோடியாக லிங்கா படத்தில் நடித்துள்ளார்.
பாலிவுட் நடிகை தபு சல்மான் கானின் பிறந்தநாள் பார்ட்டியில் கலந்துகொள்ள வந்தபோது எடுத்த புகைப்படம். இவர் தமிழில் காதல் தேசம், கண்டுகொண்டேன் கண்டுகொண்டேன் போன்ற திரைப்படங்களில் நடித்தவர் ஆவார்.
நடிகை ஜெனிலியா தனது காதல் கணவர் ரித்தேஷ் தேஷ்முக் உடன் வந்து சல்மான் கானின் பிறந்தநாள் பார்ட்டியில் கலந்துகொண்டார்.
பாலிவுட் சூப்பர்ஸ்டார் ஷாருக்கானும் சல்மான் கானில் பர்த்டே பார்ட்டியில் கலந்துகொண்டார். இவர்கள் இருவரும் நெருங்கிய நண்பர்கள் என்பது குறிப்பிடத்தக்கது.
நடிகை பூஜா ஹெக்டே சல்மான் கானின் பிறந்தநாள் விழாவில் கலந்துகொள்ள வந்தபோது எடுத்த புகைப்படம். தற்போது சல்மான் கான் நடிப்பில் உருவாகி வரும் கபி ஈத் கபி தீவாளி என்கிற படத்தில் பூஜா ஹெக்டே தான் ஹீரோயினாக நடித்து வருகிறார்.
