கீரைகளில் வைட்டமின் K, வைட்டமின் C, வைட்டமின் A, ஃபோலேட், இரும்பு சத்து மற்றும் கால்சியம் போன்ற அத்தியாவசிய வைட்டமின்கள் மற்றும் மினரல்கள் நிறைந்துள்ளது. கீரைகளை தினமும் சாப்பிடுவது நமது ஒட்டுமொத்த ஆரோக்கியத்தை மேம்படுத்துவதற்கு உதவுகிறது. அதோடு கீரைகள் நமது நோய் எதிர்ப்பு சக்தியை வலுவடையச் செய்து நமக்கு தேவையான ஆற்றலை வழங்குகின்றன.
கீரைகளை தினமும் சாப்பிடுவதால் கிடைக்கக்கூடிய பலன்கள் என்னென்ன?
ஊட்டச்சத்து நிறைந்தது:
கீரையில் வைட்டமின்கள் மற்றும் மினரல்கள் உட்பட அத்தியாவசியமான ஊட்டச்சத்துக்கள் காணப்படுவதால் இது நமது ஒட்டுமொத்த நல்வாழ்விற்கு பங்களிக்கிறது.
ஆன்டி ஆக்சிடன்ட் பண்புகள்:
கீரை வகைகளில் காணப்படும் ஆன்டிஆக்சிடன்ட்கள் ஃப்ரீ ரேடிக்கல்களால் நமது செல்களுக்கு ஏற்படக்கூடிய சேதங்களை தடுக்கிறது. இதனால் நாள்பட்ட நோய்களுக்கான அபாயம் குறைகிறது.
இதய ஆரோக்கியம்:
கீரையில் உள்ள ஃபோலேட், பொட்டாசியம், மெக்னீசியம் போன்ற சத்துக்கள் ரத்த அழுத்தத்தை சீராக்கி, இதய அமைப்பின் செயல்பாட்டிற்கு ஆதரவு தருகிறது. இதன் மூலமாக இதய ஆரோக்கியம் மேம்படுத்தப்படுகிறது.
எலும்பு ஆரோக்கியம்:
வைட்டமின் K மற்றும் கால்சியத்தின் சிறந்த மூலமாக திகழக்கூடிய கீரை நமது எலும்புகளை வலுவாகவும், ஆரோக்கியமாகவும் பராமரிக்கிறது.
உடல் எடை மேலாண்மை:
கீரைகளில் குறைந்த அளவு கலோரிகளும், அதிக அளவு நார்ச்சத்தும் இருப்பதால் பசியை கட்டுப்படுத்தி செரிமான ஆரோக்கியத்தை மேம்படுத்துவதன் மூலமாக உடல் எடையை பராமரிப்பதற்கு உதவுகிறது.
கீரையை தினமும் சாப்பிடுவதால் ஏதேனும் அபாயங்கள் ஏற்பட வாய்ப்புள்ளதா?
ஆக்ஸலேட்டுகள்:
கீரைகளில் காணப்படும் ஆக்ஸலேட்டுகள் கால்சியம் சத்து உறிஞ்சப்படுவதில் குறுக்கிடுவதன் விளைவாக சிறுநீரக கற்கள் உருவாவதற்கு வாய்ப்புகள் உள்ளது. ஒருவேளை உங்களுக்கு சிறுநீரக கற்கள் இருந்தால் நீங்கள் கீரைகளை மிதமான அளவு சாப்பிடுவதற்கு பரிந்துரைக்கப்படுகிறது.
தைராய்டு பிரச்சனைகள்: கீரைகளில் தைராய்டு செயல்பாட்டுடன் குறுக்கிடுவதற்கு காரணமான காய்ட்ரோஜென்கள் அதிக அளவில் காணப்படுகிறது. இதனால் தைராய்டு கோளாறுகளால் பாதிக்கப்பட்டுள்ள நபர்கள் குறிப்பாக ஹைபோதைராய்டிசம் பிரச்சனையை அனுபவித்து வரும் நபர்கள் கீரையை குறைவான அளவில் உண்ண வேண்டும்.
மருந்துகளுடன் குறுக்கீடு: நீங்கள் ரத்த மெலிதல் மருந்துகள் எடுத்துக் கொள்ளும் நபராகவோ அல்லது ஊட்டச்சத்து குறுக்கீடு சம்பந்தமான மருந்துகள் எடுத்து வந்தாலோ கீரை சாப்பிடுவதற்கு முன்பு உங்கள் மருத்துவரை ஆலோசிக்க வேண்டும்.
எந்த ஒரு உணவாக இருந்தாலும் மிதமான அளவு எல்லாம் உணவிற்கும் பொருந்தும். அளவுக்கு அதிகமாக சாப்பிடுவது நிச்சயமாக கேடு விளைவிக்கும்.
