பூசணிக்காய் சாமை அரிசி தோசை ரெடி..

by Web Team
0 comment

தேவையான பொருட்கள்

பூசணிக்காய் துருவல் – பெரிய துண்டு
இட்லி அரிசி – 1 கப்
சாமை அரிசி – 1 கப்
உளுத்தம்பருப்பு – 1/4 கப்
சின்ன வெங்காயம் – 10
காய்ந்த மிளகாய் – 7
எண்ணெய் – தேவையான அளவு
உப்பு – தேவையான அளவு

செய்முறை

ஒரு பாத்திரத்தில் இட்லி அரிசி, உளுத்தம்பருப்பு, சாமை அரிசி ஆகியவற்றை ஒன்றாக சேர்த்து 5 மணி நேரம் ஊற வைக்கவும்.

பூசணிக்காயை நன்கு பூ போன்று துருவி வைத்துக்கொள்ளவும்.

வாணலையில் எண்ணெயை விட்டு அதில் காய்ந்த மிளகாய், பொடியாக நறுக்கிய சின்ன வெங்காயம், பூசணிக்காய் துருவல், மற்றும் உப்பு சேர்த்து வதக்கவும்.

நன்கு வதங்கியவுடன் அந்த கலவையை ஊறவைத்த அரிசி, உளுந்துடன் சேர்த்து நைசாக அரைத்துக் கொள்ளவும்.

அரைத்த மாவை 7 முதல் 8 மணி நேரம் புளிக்க வைக்கவும்.

மாவு நன்கு புளித்த பின் தோசைகல்லில் ஊற்றி இரு புறமும் திருப்பி போட்டு எடுத்தால் சுவையான பூசணிக்காய் சாமை அரிசி தோசை ரெடி..

Related Posts

Leave a Comment