CSK Coronavirus: ஐபிஎல் – சென்னை அணியில் 13 பேருக்கு கொரோனா!!

by Web Team
0 comment

ஐபிஎல் கிரிக்கெட் தொடரில் பங்கேற்பதற்காக துபாய் சென்றுள்ள சென்னை சூப்பர் கிங்ஸ் (சிஎஸ்கே) அணி வீரர் மற்றும் நிர்வாகிகள் என 13 பேருக்கு கொரோனா நோய்த்தொற்று உறுதி செய்யப்பட்டிருப்பதாக அதிர்ச்சி தகவல் வெளியாகியுள்ளது.

கொரோனா அச்சம் காரணமாக, இந்த ஆண்டு ஐபிஎல் கிரிக்கெட் போட்டிகள் துபாயில் நடைபெறவுள்ளன. செப்டம்பரில் 19 ஆம் தேதி தொடங்கவுள்ள இந்தப் போட்டி தொடரில் பங்கேற்பதற்காக, சிஎஸ்கே அணி வீரர்கள் கடந்த 21 ஆம் தேதி துபாய் புறப்பட்டு சென்றனர்.

தோனி தலைமையிலான சிஎஸ்கே அணி வீரர்கள் மற்றும் நிர்வாகிகள் என அனைவருக்கும் ஏற்கெனவே மூன்று முறை கொரோனா பரிசோதனை செய்யப்பட்ட நிலையில்,இன்று நான்காவது முறையாக பரிசோதனை மேற்கொள்ளப்பட்டது.

இதில், அணியின் வேகபந்து வீச்சாளர் ஒருவருக்கும், அணி நிர்வாகிகளுக்கும் என மொத்தம் 13 பேருக்கு கொரோனா நோய்த்தொற்று இருப்பது உறுதி செய்யப்பட்டுள்ளது. இதனையடுத்து, சிஎஸ்கே அணி வீரர்களுக்கான தனிமைப்படுத்தல் முகாம் மேலும் ஒரு வாரத்துக்கு நீட்டிக்கப்படுவதாக அணி நிர்வாக தரப்பில் தெரிவிக்கப்பட்டுள்ளது.

இந்த வருஷமும் கோப்பை கையைவிட்டு போய் விடுமா? ஆர்சிபி அணி பயிற்சியாளர் கவலை!

ஐபிஎல் கிரிக்கெட் போட்டிக்கு தயாராகும் நோக்கில் சிஎஸ்கே அணி வீரர்கள் இன்று முதல் பயிற்சியை தொடங்க இருந்தனர். இந்த நிலையில் அணி உறுப்பினர்களுக்கு கொரோனா தொற்று உறுதி செய்யப்பட்டிருப்பது சிஎஸ்கே ரசிகர்களை அதிர்ச்சியில் ஆழ்த்தியுள்ளது. இதன் காரணமாக, ஐபிஎல் கிரிக்கெட் தொடர் திட்டமிட்டப்படி நடைபெறுமா என்ற கேள்வியும் எழுந்துள்ளது.

சிஎஸ்கே அணியில் இடம்பெற்றுள்ள வேகப்பந்து வீச்சாளர் மற்றும் சில அணி நிர்வாகிகளுக்கும் கொரோனா தொற்று கண்டறியப்பட்டுள்ளது என்று ஐபிஎல் நிர்வாக வட்டாரங்களில் தகவல் கசிந்துள்ளது.

கொரோனா உறுதி செய்யப்பட்டுள்ளோரில் சிஸ்கே அணியின் மூத்த நிர்வாகி. அவரது மனைவி, சமூக ஊடக பிரிவைச் சேர்ந்த சில பணியாளர்கள் உள்ளிடோர் அடங்குவர் என்றும் அந்த வட்டாரங்கள் தெரிவித்துள்ளன.

தோனி, அம்பத்தி ராயுடு, சுரேஷ் ரெய்னா, தீபக் சகார் மற்றும் சில வீரர்களுடன் பந்துவீச்சு பயிற்சியாளர் லட்சுமிபதி பாலாஜியும் தற்போது துபாய் சென்றுள்ளனர்.

விதிமுறைகளின்படி, கொரோனா கண்டறியப்படுவோர், சிகிச்சை பெறுவோரின் பெயர்கள் வெளியிடப்படுவதில் என்பது குறிப்பிடத்தக்கது.

Related Posts

Leave a Comment