இணையத்தில் லீக் ஆன பிக்சல் 5 ஸ்மார்ட்போன் விவரங்கள்

by Web Team
0 comment

கூகுள் நிறுவனத்தின் புதிய பிக்சல் 5 ஸ்மார்ட்போன் விவரங்கள் இணையத்தில் லீக் ஆகி உள்ளன.

கூகுள் நிறுவனத்தின் புதிய பிக்சல் 5 ஸ்மார்ட்போன் சீரிஸ் விரைவில் அறிமுகம் செய்யப்பட இருக்கிறது. இத்துடன் பிக்சல் 4ஏ 5ஜி ஸ்மார்ட்போனும் அறிமுகம் செய்யப்பட இருக்கிறது.

இந்நிலையில், புதிய பிக்சல் ஸ்மார்ட்போன் பற்றி கூகுள் வெளியிட்டுள்ள தகவலுடன் ஸ்மார்ட்போனின் பக்கவாட்டு பகுதி தெரியும் புகைப்படம் வெளியிடப்பட்டு உள்ளது. இதில் புதிய பிக்சல் ஸ்மார்ட்போனின் பட்டன்கள் மற்றும் எட்ஜ்கள் மட்டும் காணப்படுகிறது.

இவை தவிர பிக்சல் 5 பற்றிய விவரங்கள் ரகசியமாக வைக்கப்பட்டு உள்ளன. எனினும், பிக்சல் 5 முழு விவரங்கள் தற்சமயம் இணையத்தில் லீக் ஆகி உள்ளன. புதிய ரென்டர்களின் படி பிக்சல் 5 ஸ்மார்ட்போனில் பன்ச் ஹோல் டிஸ்ப்ளே, டூயல் பிரைமரி கேமரா சென்சார்கள் வழங்கப்படலாம் என கூறப்படுகிறது.

இத்துடன் புதிய பிக்சல் 5 ஸ்மார்ட்போனின் பின்புறம் பிரைமரி கேமரா சென்சார்கள் சதுரங்க வடிவம் கொண்ட கேமரா பம்ப்பில் பொருத்தப்பட்டு இருக்கின்றன. இந்த மாட்யூல் பேக் பேனலின் இடதுபுற ஓரத்தில் பொருத்தப்பட்டு உள்ளது. எனினும், இதன் சென்சார் விவரங்கள் பற்றி இதுவரை எந்த தகவலும் இல்லை.

மேலும் புதிய பிக்சல் 5 ஸ்மார்ட்போனின் பின்புறம் கைரேகை சென்சார் வழங்கப்படும் என தெரிகிறது. இத்துடன் புதிய பிக்சல் 5 ஸ்மார்ட்போனில் யுஎஸ்பி டைப் சி போர்ட், ஸ்பீக்கர் கிரில்கள் ஸ்மார்ட்போனின் கீழ்புறத்தில் பொருத்தப்பட்டு இருக்கிறது. இதன் சிம் டிரே ஸ்லாட்கள் ஸ்மார்ட்போனின் இடதுபுறத்தில் பொருத்தப்பட்டு உள்ளது.

Related Posts

Leave a Comment